TULADHA GEGURITAN

            KONDURE KANGMAS

              Dening : Zaenal Awaludin

Kadhodhog lawang mburi

Dakbukak byak

Kaya-kaya beldheg teka ing katiga

Iki nyata apa impi?

Sliramu kondur nyunggi eseman

Pitung warsa kangmas ora kondur

Rasa tentrem rinengkuh ing astamu

Engga wektu jumangkah mlaku

Daktantang daktanting yen ora nemoni ibu

Kangmas,

Aja lunga saka urip kulawargaku

Kae sawangen

Rama ibu tansah seneng nyawang esemu