TOLEH GITHOKMU

Iler tumetes saka lathimu

Nyawang dhampar kang kawistara kencana

Jinajaran harjanti kang hartati ngantheni Sang Mahahadyan

Tan kedhep mereming netramu

Tangi!

Aja kaduk epimu

Ngglongsor ing karpet babut wae kangelan,

njangka turu ing empuking papreman

Pengin nggayuh endah kelap-keliping lintang

Toleh githokmu dhisik, Ngger!

Lulangmu kuwi atos debog

Amung bandan kang sudra

Ana dina tanpa upa,

ngarep-arep dadi balin, apa malah hirma?

Pancen balento!

Gardajitamu kedhuwuren, Ngger

Aja gundam-gundam babagan hardamu kang nggadang handana warih

Hartikamu jero tapak meri

Wis, aja bacutke impenmu

Pikulen wae embat ing pundhakmu

Aja nylandri nggadang astama

Semarang, 25 Mei 2016